الرئيسية
انا جانى جواب من امى وفيه كلمتين
كتبتلى فيه وفرحانه انا جايه بعد يومين
منا زورت بيت الله عملت فرض الله
وهناك انا داعيتلك
ربنا يديك ويسلمك ويطعمك ما يحرمك
ودعوتى تعيشلك
انا عايزة اول ما اوصل اشوفك والاقيك واقفلى
واخدك فى حضنى واحس شوق فى عنيك واصلى
وسلامى لكل حبايبنا من العزيزة الغاليه امك
وروحت فرحان على المينا مستنى انا اى سفينه
ووقفت مشتاق للوقاها على باب علقت الزينه
عمال افكر اقولها ايه وحشانى ياما كتير كده ليه
ياما نفسى اشوفك قدام عينى واجرى فى حضنك واترمى فيه
فضلت واقف مستنى والفرحه طايرة ياناس منى
الوقت عمال بيعدى وشوقى زاد غصب عنى
وبعد حبه بقيت مشغول حسيت بجد فيه شئ مجهول
ولما روحت اسأل عنها قالولى مركبها على وصول
لمحت ناس كده قلقانه بيقولو فيه سفينه غرقانه
جريت معاهم وانا خايف وعيونى بدموعى مليانه
الخوف بجد مسك فيا جايبين ضحيه ورا ضحيه
وشوفت امى قصاد عينى وهيا طالعه من الميه
وقعت من طولى ساعتها وهما بيغمضو عينها
كأن روحى بياخدوها ولاقيتنى عمال ادعيلها
على الجنه ياما يا حبيبه يا حنينه وكلك طيبه
والدنيا داقيت فى عنيا من بعدك انتى يا حبيبه
كتبتلى فيه وفرحانه انا جايه بعد يومين
منا زورت بيت الله عملت فرض الله
وهناك انا داعيتلك
ربنا يديك ويسلمك ويطعمك ما يحرمك
ودعوتى تعيشلك
انا عايزة اول ما اوصل اشوفك والاقيك واقفلى
واخدك فى حضنى واحس شوق فى عنيك واصلى
وسلامى لكل حبايبنا من العزيزة الغاليه امك
وروحت فرحان على المينا مستنى انا اى سفينه
ووقفت مشتاق للوقاها على باب علقت الزينه
عمال افكر اقولها ايه وحشانى ياما كتير كده ليه
ياما نفسى اشوفك قدام عينى واجرى فى حضنك واترمى فيه
فضلت واقف مستنى والفرحه طايرة ياناس منى
الوقت عمال بيعدى وشوقى زاد غصب عنى
وبعد حبه بقيت مشغول حسيت بجد فيه شئ مجهول
ولما روحت اسأل عنها قالولى مركبها على وصول
لمحت ناس كده قلقانه بيقولو فيه سفينه غرقانه
جريت معاهم وانا خايف وعيونى بدموعى مليانه
الخوف بجد مسك فيا جايبين ضحيه ورا ضحيه
وشوفت امى قصاد عينى وهيا طالعه من الميه
وقعت من طولى ساعتها وهما بيغمضو عينها
كأن روحى بياخدوها ولاقيتنى عمال ادعيلها
على الجنه ياما يا حبيبه يا حنينه وكلك طيبه
والدنيا داقيت فى عنيا من بعدك انتى يا حبيبه
