منتــــــــــــــــــدى الملكة ريم



انضم إلى المنتدى ، فالأمر سريع وسهل

منتــــــــــــــــــدى الملكة ريم

منتــــــــــــــــــدى الملكة ريم

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يشمل المنتدى على كثير من الموضوعات (شعر - العاب ترفيهية -رياضة - المرأة والجمال - اكلات - كلمات اغانى - صور فنانين وفنانات )


2 مشترك

    الـبــيــوت أســـرار

    love for ever
    love for ever


    عدد المساهمات : 228
    تاريخ التسجيل : 04/04/2010
    العمر : 28
    الموقع : مصر

    الـبــيــوت أســـرار Empty الـبــيــوت أســـرار

    مُساهمة  love for ever الخميس أغسطس 19, 2010 1:45 pm



    القلوب زي البيوت
    والبيوت اسرار
    بيت تحس بحضن دافى
    بيت كإنه قلب جافى
    بيت نلاقى فيه سكنا
    بيت بجدرانه سجنَا
    بيت صغير بس جنه
    بيت بشكلو يا ناس فتنا
    جوه منه قايده نار

    البيوت زي القلوب
    ليها نبض وفيها روح
    مش مجرد رص طوب
    ده كله قالب فوق جروح
    متحاولش تكتشفها
    او تزيح عنها الستار
    سيبها ما تقلبش فيها
    دا الرماد بيغطي نار

    اوعى تاخد بالمظاهر
    حتى لو شفت الستاير
    زي طير بجناحه طاير
    م السعاده والسرور
    دى البيوت عليها زينه
    جوه منها قلوب حزينه
    والى فيها بعيد عليك
    كل نار عن بعد نور

    كل بيت جواه همومه
    ليه يا ناس ع الناس تلوموا
    ع اللي بيدارى فى هدومه
    جرح نايم من سنين

    كل واحد له عيوبه
    واللي تايب من ذنوبه
    ليه نقطع ليه فى توبه
    والبرئ م الذنب مين

    دى القلوب مليانه ياما
    من الهموم يالله السلامه
    بنداريها ببتسامه
    طعمها يدى مرار

    دى البيوت اسرار خفيه
    عن عيونا متداريه
    واللي ايده يا ناس فى ميه
    يعذر الى ايديه فى نار

    فيه بيوت مقفول ببانها
    بس برحه عن مكانها
    ليها ريحه من حنانها
    تلمس القلب الحنون

    في بيوت مفتوحه لكن
    الشيطان جواها ساكن
    والقلوب زي المساكن
    والشبابيك العيون
    ما تحاولش تكتشفها
    او تزيح عنها الستار
    سيبها ما تقلبش فيها
    دا الرماد بيغطي نار

    cat woman
    cat woman
    Admin


    عدد المساهمات : 272
    تاريخ التسجيل : 03/03/2010
    العمر : 29
    الموقع : cairo

    الـبــيــوت أســـرار Empty رد: الـبــيــوت أســـرار

    مُساهمة  cat woman الخميس أغسطس 19, 2010 4:01 pm

    كلام الاغنية حلو جدا يا احمد
    بس مين اللى بيغنيها ؟؟؟؟؟؟؟؟؟؟؟؟؟؟
    ميرسى
    تحياتى
    ريــــــــــــــم
    love for ever
    love for ever


    عدد المساهمات : 228
    تاريخ التسجيل : 04/04/2010
    العمر : 28
    الموقع : مصر

    الـبــيــوت أســـرار Empty رد: الـبــيــوت أســـرار

    مُساهمة  love for ever الجمعة أغسطس 20, 2010 3:58 pm

    ميــرســي ريـــم
    المغني طارق الشيخ
    بحبه جدا
    كل اغانيه حلوه جدا

      الوقت/التاريخ الآن هو الخميس مارس 28, 2024 4:06 am