منتــــــــــــــــــدى الملكة ريم

يشمل المنتدى على كثير من الموضوعات (شعر - العاب ترفيهية -رياضة - المرأة والجمال - اكلات - كلمات اغانى - صور فنانين وفنانات )


    المــحـكــمه

    شاطر
    avatar
    love for ever

    عدد المساهمات : 228
    تاريخ التسجيل : 04/04/2010
    العمر : 22
    الموقع : مصر

    المــحـكــمه

    مُساهمة  love for ever في السبت يوليو 17, 2010 2:54 pm

    كنت ماشي في يوم جراحي ، جوة قلبي معلمة
    والدموع على خدي نازلة ، وعيني ليها مسلمة
    قلت ادعي ربنا ، رفعت ايدي للسماء
    التقتني فجأة واقف عند باب المحكمة
    ناس كتير متجمعين ، الحيرة ملية وشهم
    كلهم مستنين والخوف بيجري في قلبهم
    قلت ادخل لما اشوفهم ، وابقى واحد منهم
    شفت قاضي وخلق واقفة ، وصوت بينده محكمة

    *********************************
    شفت أم ضناها واقف ، كان قريب منها
    الحديد بينه وبينها عاوزة تخده في حضنها
    الدموع ملين عينيها ، والقلق باين عليها
    قبها محروق عليه ، ابنها ضاع منها
    فضلت تصرخ، تدعي وتبكي
    ولحدش كدة حاسس بيها

    **************
    وادي أب عشان بناته ، مد ايده للحرام
    النهاردة بيشكي حاله ، مين هيسمع له كلام
    خاف عليهم من الزمان ، قال يسبهم في الأمان
    باع ضميره غظب عنه ،كل ده في لحظة شيطان
    واهو دلوقتي بيبكي وخايف ، من اللي هيحصل تاني كمان

    ***************
    شفت شاب بيبكي في القفص لما جابوه
    كان بيحلم يبقى حاجة ، كان أمل أمه وابوه
    جم صحاب السوء خادوه ، وبكلامهم ضيعوه
    نسوه كل عزيز وغالي ، وفطريقهم ضيعوه
    ومافي وقت الشدة احتجهم،اتخلوا عنه وسابوه

    **************
    وادي واحد فوق كتافه حمل اتقل من الجبال
    اداقت يا ناس حياته ، وفرقبته كوم عيال
    وصلوه آخر الطريق ، مين يقول انه برئ
    كلمة واحدة القاضي قالها ، ضيعتله كل شئ
    وان ما احس بجرحه وناره ، وهو في دمعه لوحده غريق

    **************
    شفت أطفال والبراءة ، جوة منهم محبوسين
    تاهوا في الدنيا الكبيرة ، وهما لسه صغيرين
    سكة واحدة اللي جابتهم ، في الدموع يا ناس رمتهم
    مقطوعين في الدنيا ديت ،والشوارع هي بيتهم
    ولا في حضن حنين طيب ، فكر يوم يمسح دمعتهم

    ****************************
    يالي فاكر انك انت بس وحدك اللي في العذاب
    لأ تعالى في ناس كتيرة ، دانتى ورقة من كتاب
    قول يا رب وهتلقيه ، عش وخلي ايمانا بيه
    يالي شايف جرح غيره ، جرحه هو يهون عليه
    احمد ربنا مهما ادالك ، واوعى تقوله يا رب ده ليه


    *************************************************


    avatar
    love for ever

    عدد المساهمات : 228
    تاريخ التسجيل : 04/04/2010
    العمر : 22
    الموقع : مصر

    رد: المــحـكــمه

    مُساهمة  love for ever في السبت يوليو 17, 2010 2:54 pm

    يارب تعجبكم؟؟؟؟
    avatar
    Eyes Of Heart

    عدد المساهمات : 225
    تاريخ التسجيل : 09/03/2010
    العمر : 23

    رد: المــحـكــمه

    مُساهمة  Eyes Of Heart في السبت يوليو 24, 2010 11:55 am

    ميــــــــــــــــرسي
    الاغنية جميلة
    avatar
    love for ever

    عدد المساهمات : 228
    تاريخ التسجيل : 04/04/2010
    العمر : 22
    الموقع : مصر

    رد: المــحـكــمه

    مُساهمة  love for ever في الأحد يوليو 25, 2010 2:36 pm

    ميرسي عيون القلب
    علي مرورك

      الوقت/التاريخ الآن هو الخميس أكتوبر 19, 2017 4:52 am